Райан Гарсияни бир йиллик қамоқ жазоси кутмоқда

Райан Гарсия (25-1, 20 КО) "Беверли-Хиллз" меҳмонхонасини бузиш ва 15 000 доллар зарар етказишда айбланган ишда бир йил қамоқ жазосига ҳукм қилиниши мумкин.

 Гарсия бу иш бўйича июль ойи бошида ҳибсга олинган ва сўроқдан кейин қўйиб юборилганди. Расмий айблов август ойида очилиши керак ва бутун иш шу йил ҳал қилиниши зарур.

Июль ойида ҳибсга олинганида, Гарсия соғлиғи билан боғлиқ муаммолардан шикоят қилган ва кейинчалик баҳолаш ҳамда даволаниш учун тиббий марказга олиб кетилган. Гарсиянинг адвокати Райан ўзининг руҳий саломатлиги билан боғлиқ муаммолар ҳақида бир неча йиллар давомида очиқ гапирганини ва Дэвин Хэйни билан бўлган жангдаги допинг можаросидан кейин боксчи ҳозирда катта ҳиссий юк билан курашаётганини айтди.