“Реал” 100 миллион евролик трансферга қўл урмоқда

“Реал” жорий мавсум давомида ҳимоя чизиғида катта муаммоларга дуч келгани сабабли ёзги трансферлар вақтида мудофаа позициясини янги ижрочилар билан кучайтиришга ҳаракат қилади.

Бир неча манбаларнинг таъкидлашича, мадридликлар “Арсенал”нинг етакчи ҳимоячиси Вильям Салибани нишонга олган. Франциялик футболчини олиш учун “Қироллик клуби” 100 миллион евро тикишга тайёр.

24 ёшли Салиба жаҳоннинг энг яхши марказий ҳимоячиларидан бири ҳисобланади. Микель Артета бош мураббийлигидаги “Арсенал”нинг ҳимоя чизиғини айнан Вильям бошқаради.

 Салиба тезкорлиги, ўйинни ўқиш қобилияти ва жисмоний куч-қуввати билан ажралиб туради. Гарчи франциялик ҳимоячи “канонирлар” жамоасида ўз ўрнига эга бўлса-да, мадридликлар тикаётган сумма “Арсенал”ни ўйинчини қўйиб юборишга кўндириши мумкин.