“Реал” 210 миллион евролик икки юлдузи бўйича “Ливерпуль”га жавоб қайтарди

“Ливерпуль” келаси ёз таркибини кучайтириш мақсадида “Реал”нинг икки ўйинчисини трансфер қилишга тайёргарлик кўраётгани ҳақида маълумотлар тарқатилди.

Арне Слот ўз жамоасида бразилиялик ҳужумчи Родриго ва франциялик ярим ҳимоячи Орельен Тчуаменини кўришни истаяпти.

Таниқли инсайдер Экрем Конурнинг таъкидлашича, “Ливерпуль” бу трансферларни амалга ошира олмайди. Чунки “Реал” ҳар икки ўйинчини жамоадаги ўрни муҳим эканини маълум қилган ва улар бўйича таклифларни кўриб чиқмайди.

Transfermark портали 23 ёшли Родригони 110 миллион еврога баҳоламоқда. 24 ёшли Тчуамени эса, 100 миллион евро туради. Ҳар иккисининг амалдаги шартномаси 2028 йилнинг ярмигача давом этади.