“Реал” афсонасининг ўғли БАА термасини танлади ва дебют қилди

Мадриднинг “Реал” клубидаги ўйинлари билан жаҳон футболида ном қозонган Мичель Сальгадонинг ўғли Алан халқаро миқёсда Бирлашган Араб Амирликлари терма жамоаси шарафини ҳимоя қиладиган бўлди.

Иқтидорли ёш футболчи амирликларнинг  ёшлар терма жамоасида дебют ўйинини ўтказишга ҳам улгурди.

Аланнинг қарорини Мичель Сальгадо ҳам қўллаб-қувватлади.

- Дебютинг билан фахрланаман, ўғлим. Сенинг ҳар бир ўйинингдан завқланаман, чунки бундай даражага чиқиш қанчалик қийинлигини биламан. Лекин ўша даражани ушлаб қолиш янада қийин, шунинг учун сенга курашишни ва шу билан бирга камтар бўлишни маслаҳат бераман. Сени яхши кўраман, - деб ёзди “Реал”нинг собиқ футболиси ўғлига бағишланган постида.

Эслатиб ўтамиз, Мичель Сальгадонинг ўзи 1999–2009 йилларда “Реал” сафида ўйнаган ва машҳур “Галактикос” даврида жамоа етакчиларидан бири бўлган.