“Реал” барибир Холандни олмоқчи

“Манчестер Сити” тўпурари Эрлинг Холанднинг Испания чемпионатига кўчиб ўтиши мумкинлиги ҳақидаги хабарлар яна авж ола бошлади.

Норвегиялик ҳужумчига испан футболининг икки азалий гранди – “Барселона” ва “Реал” кўз тикмоқда.

One Football нашри журналистларининг ёзишича, “Реал” ёзги трансферлар ойнаси даврида Холандни Мадридга олиб келиш учун амалий ҳаракатларга қўл уришни режалаштиряпти.

Манбага кўра, агар ёзда “шаҳарликлар” бош мураббийи Хосеп Гвардиола “Манчестер Сити”ни тарк этса, Эрлинг Холанд ҳам бошқа клубга ўтишга розилик беради. “Қироллик клуби” воқеаларнинг ривожининг айнан шундай бўлишига ишонч билдирмоқда.

 25 ёшли ҳужумчининг бозор қиймати 200 миллион еврога баҳоланган. Томонлар ўртасидаги амалдаги меҳнат шартномаси 2034 йилнинг июнь ойи охиригача тузилган.