“Реал” билан беш йиллик битимга тайёрман!

“Челси”нинг аргентиналик  ярим ҳимоячиси Энцо Фернандес унга қизиқиш билдираётган “Реал Мадрид”га кўчиб ўтиб, бу клуб билан беш йиллик шартнома тузишга тайёрлигини билдирди.

Бу ҳақда El Debate нашри хабар бермоқда.

Манба маълумотига кўра, аргентиналик футболчи “Қироллик клуби”га ўтишни хоҳламоқда, аммо трансферга “Челси” белгилаган 138 миллион евролик бадал нархи тўсқинлик қилмоқда.

Ўтган мавсумда Энцо Фернандес барча мусобақаларда 54 та ўйинда қатнашиб, 15 та гол ва 7 та голли узатма амалга оширган.

Унинг клуб билан шартномаси 2032 йил ёзигача мўлжалланган.

Transfermarkt маълумотларига кўра, футболчининг бозор қиймати 90 миллион еврони ташкил қилади.