“Реал” бирданига беш юлдузни нишонга олди

Жорий мавсум “Реал” ҳимоя чизиғида жиддий муаммоларга дуч келди. Чемпионат бошланганидан бери жамоанинг деярли барча  ҳимоячиси даволаниб чиқишига тўғри келди. Айрим ҳимоячилари ҳали сафга қайтмайди. 

Шу боис, мадридликлар ёзда жамоага истеъдодли ёш ҳимоячиларни таклиф қилади. Ҳозирнинг ўзида марказий ҳимояга бешта номзод танланди. 

Марказий ҳимоячи танлашда “Реал” скаутлари футболчиларнинг жамоа ўйин услубига мос тушиши ва жисмоний кўрсаткичларини асос қилиб олмоқда. 

Клубга таклиф қилинадиган марказий ҳимоячилар рўйхатига Вильям Салиба (“Арсенал”), Микки Ван де Вен (“Тоттенхэм”), Кастелло Лукеба (“РБ Лейпциг”), Жаррад Брантуэйт (“Эвертон”) ҳамда Антонио Силва (“Бенфика”) киртилди. 

Бу ўйинчиларнинг ҳар бирига Европа футболининг турли клубларидан жиддий қизиқиш ва чорловлар бор. Уларнинг жаҳон футболидаги мавқеи, ёши ва жисмоний имкониятларини инобатга олиб, “Реал” анчагина харажат қилишига тўғри келади.