"Реал" бошлаб берди! Ла лига клублари хайрли ишга қўл урди

Ла Лига клублари Туркиядаги зилзила қурбонларига ёрдам берди.

Испания футболида узоқ вақт ишлаб келган туркиялик футбол агенти Байрам Тутумлу зилзилада жабр кўрганларга ёрдам бериш учун акция олиб бормоқда. Унинг ташаббусини Испания чемпионатининг кўплаб клублари қўллаб-қувватлаб, ёрдам ва ҳамкорликни таклиф қилишди.

"Реал" Мадрид инсонпарварлик ёрдамини кўрсатган биринчи клублардан бири бўлди. Мадридликлар қурбонларга 20 042 дона кийим-кечак жўнатди. Улар пальто, футболка, шимлар, куртка ва пайпоқлардан иборат.

"Атлетико", "Севилья", "Хетафе", "Барселона", "Бетис", "Валенсия" ҳамда "Эспаньол" каби клублар ҳам молиявий ёрдам кўрсатди.

UEFA Туркия ва Суриядаги зилзила қурбонларига ёрдам бериш учун 200 минг евро юборди. Бўлажак еврокубок ўйинлари бир дақиқалик сукут билан бошланади.