"Реал" бу ўйинчи учун 70 миллион санашга тайёр

Мадриднинг «Реал» клуби Лондоннинг «Арсенал» жамоаси ярим ҳимоячиси Мартин Субимендини ўз сафига қўшиб олиш ғоясидан ҳали ҳам воз кечгани йўқ.

Испаниялик футболчининг «Қироллик клуби»га ўтиши ҳақидаги миш-мишлар ёздаёқ пайдо бўлганди, аммо ўшанда трансфер амалга ошмаган. 

Transfer News Live нашрининг Sport манбасига таяниб хабар беришича, «Реал» қишки трансфер ойнасидан фойдаланиб, «канонирлар» ярим ҳимоячисини сотиб олиш имкониятини кўриб чиқмоқда. 

Мадридликлар вакилларининг фикрича, футболчини тахминан 70 миллион евро атрофидаги сумма эвазига қўлга киритиш мумкин. Шу миқдорни «Арсенал» 2025 йилда уни трансфер қилиш учун сарфлаган эди.

Мартин Субименди ҳозирча «Арсенал» асосий таркибидаги ўрнини йўқотган: жорий мавсумдаги барча беш учрашувда Микель Артета 27 ёшли футболчини майдонга фақат захирадан туширган.