"Реал"дан кетган Мастантуоно Италияда клубини ўзгартириши мумкин

Мадриднинг «Реал» жамоасига тегишли, ҳозирда «Фиорентина» сафида ижара асосида ўйнаётган яримҳимоячи Франко Мастантуоно яна бир Италия клуби диққат марказига тушди.

Инсайдер Экрем Конурнинг ижтимоий тармоқларда тарқатган маълумотларига кўра, «Наполи» раҳбарияти аргентиналик футболчининг вакиллари билан алоқага чиққан. Неапол клуби трансфер бўйича музокара бошлаш қанчалик мақсадга мувофиқ эканини ўрганмоқда.

Бундан аввалроқ матбуотда Мастантуоно «Фиорентина» билан шартномаси тугамасидан туриб, Флоренциядан Мадридга қайтиб кетиши мумкинлиги ҳақида хабарлар пайдо бўлган эди.

Жорий мавсум Италия А Сериясида 19 ёшли аргентиналик тўртта ўйинда майдонга тушди ва учта гол уришга муваффақ бўлди. Унинг «фиалкалар» билан ижара шартномаси 2027 йил июн ойи охиригача амал қилади.