"Реал" дарвозабонида коронавирус чиқди

"Реал" клуби ва Украина терма жамоаси дарвозабони Андрей Лунинда Covid-19 аниқланди. Бу ҳақда Украина футбол ассоциацияси расмий сайти хабар тарқатмоқда.

Луниндан ташқари Украина терма жамоасининг яна бир посбони Юрий Паньков ҳам коронавирусга чалинган. Терма жамоанинг қолган аъзолари топширган тест натижалари эса манфий бўлган ва улар Франция терма жамоасига қарши бўладиган ўйинга тайёргарлик кўрмоқда.

Энди Франция – Украина ўйинида Андрей Шевченко ихтиёрида фақатгина битта дарвозабон - Георгий Бушан қолди холос.