“Реал” “эл-класико”да бу ишни 53 йилдан бери уддалай олмаяпти

Испания кубогининг ярим финал дастлабки учрашувида “Реал” футболчилари ўз майдонида “Барселона”ни қабул қилди.

Бу галги “эл-класико”да меҳмон жамоа биргина гол эвазига ўз уйига ғалаба билан қайтадиган бўлди.

Статистика мутахассисларининг маълум қилишича, “қироллик клуби” Испания кубоги турнирида “Барселона”ни 1970 йилан бери уй учрашувларида мағлуб эта олмаётган экан. Бу мусобақада мадридликлар “Сантьяго Бернабеу”даги сўнгги ўнта баҳсдан фақат биттасида зафар қучган. Улар сўнгги бор бундан 53 йил муқаддам каталонияликларни 2:0 ҳисобида енгган эди.

Энди Карло Анчелотти шогирдлари ярим финалнинг 5 апрелга белгиланган жавоб учрашувида “Барселона”дан реванш олишга ҳаракат қилади.

“Барселона” Испания кубогини қўлга киритиш бўйича рекордчи ҳисобланади. Каталонияликлар 31 маротаба ушбу совринга сазовор бўлган. “Реал” 19 та кубок билан учинчи ўринда қайд этилган.