“Реал” фанатларига Мбаппедан хушхабар

“Реал” тўпурари Килиан Мбаппе жароҳат олгани туфайли Испания Суперкубоги финалида “Барселона”га қарши майдонга тушиши катта сўроқ остида турган эди.

“Қироллик клуби” матбуот хизмати тарқатган маълумотларга қараганда, франциялик ҳужумчи финал олдидан умумий гуруҳ машғулотларига қайтди. Бу Мбаппенинг муҳим учрашувда иштирок этиши мумкинлигини билдиради.

 Эслатиб ўтамиз, турнир Саудия Арабистонининг Жидда шаҳрида ўтказилмоқда. Илгари француз футболчиси жамоа билан Яқин Шарққа етиб келган, бироқ чап тиззасидаги боғламлар чўзилиши сабабли Суперкубок ярим финалида “Атлетико”га қарши ўйинда (2:1) иштирок этмаган эди.

Мбаппе 2024 йилнинг ёзидан буён  мадридликлар сафида ўйнаб келмоқда. Шу пайтга қадар у мадридликлар таркибида 83 та учрашувда майдонга тушиб, 73 та гол урди ва 10 та голли узатма амалга оширди. Унинг клуб билан шартномаси 2029 йилнинг 30  июнигача амал қилади.

"Реал" ва "Барселона" ўртасидаги Суперкубок финали 11 январь куни бўлиб ўтади.