"Реал" Франциядан "янги Варан" топди

"Лилль" марказий ҳимоячиси "Реал"га ўтиши мумкин.

Ноябрь ойида ўзининг 18 ёшини нишонлаган Лени Йорога Европанинг бир неча грандлари қизиқиш билдираётган эди. "Madrid Zone" нашрининг хабар беришича, "Реал Мадрид" Йорони Рафаэль Вараннинг йўлидан боришга қодир, деб ҳисоблайди ва уни сотиб олмоқчи. Варан ҳам "қаймоқранглилар" сафига Франциядан кўчиб ўтган.

"Лилль" Лени учун камида 50 миллион евро талаб қилади. Бундан ташқари ПСЖ ҳам истиқболли марказий ҳимоячини сотиб олишга қизиқмоқда.

Маълумот учун, франциялик футболчи ушбу мавсумда жами 19 та ўйинда қатнашиб, 3 та гол урди. "Transfermarkt" портали уни 18 миллион еврога баҳоламоқда.