"Реал" футболчиси жамоада қолишга қарор қилди

Андрей Лунин 2025/26 йилги мавсумда ҳам "Реал"да қолишни истамоқда. Украина терма жамоасининг 26 ёшли дарвозабони келажаги борасида бир қарорга келиб бўлди, деб хабар берди Marca нашри.

Лунин Мадридда ўзини қулай ҳис қилади. Дарвозабон бошқа клублардан таклифлар олмоқда, аммо уларнинг ҳеч бири "Реал"нинг шахсий ва профессионал даражадаги таклифларига мос келмайди. Бир йил олдин шартномасини 2030 йилгача узайтирган Андрей Клублар ўртасидаги Жаҳон чемпионати бошланишидан олдин клубни тарк этишни режалаштирмаётганини маълум қилганди. У янги мураббий Хаби Алонсо билан ишламоқчи.

Луниннинг қарори топ-5 лигалар клубидан бошланғич таркиб ўйинчиси ролини кафолатлайдиган фойдали таклифни ўзгартириши мумкин эди, аммо ҳозирда бундай имконият муҳокама қилинмаяпти.

"Галатасарой" Луниннинг ҳолатини ўрганиб чиқди ва Ла Лигага қайтган "Оведо" Андрейни ўз сафига қўшиб олмоқчи, аммо "Реал" футболчиси ҳозирда бундай вариантларни кўриб чиқмаяпти.

Украиналик Тибо Куртуа билан рақобатда ғалаба қозониш деярли имконсиз эканини тушунади, аммо у жамоага керак бўлганда доимо тайёр бўлиб курашишда давом этиш ниятида.

Ўтган мавсумда Лунин Ла Лигада 7 та ўйин ўтказди, шундан 4 тасида ўз дарвозаси дахлсизлигини сақлаб қолган.