"Реал" HP билан шартнома имзолади

"Реал Мадрид" HP билан ҳомийлик шартномасини имзолади.

Энди форманинг енгида Америка компаниясинниг логотипи либоснинг енгида пайдо бўлади. Қайд этилишича, "Реал Мадрид" ўз тарихида биринчи марта енгига реклама жойлаштиради.

Олдинроқ "As" нашри HP билан келишувга кўра, "Реал" йилига 70 миллион евро олиши ҳақида хабар берган эди.

Мадрид жамоаси Аdidas (техник ҳамкор) билан йилига 117,6 миллион ва Fly Emirates (титул ҳомийси) билан 70 миллионлик шартномаларга эга.

Шу тариқа, клубнинг асосий ҳомийларидан келадиган даромад йилига деярли 260 миллион еврога етади.