“Реал” икки ўйинчидан норози

“Реал” бош мураббийи Карло Анчелотти ва унинг штаби вакилларида жорий мавсум бўйича икки футболчига эътироз туғилди.

Манбаларга кўра, Фран Гарсия ҳамда Ферлан Мендининг ўйини нафақат мураббийлар, балки клуб раҳбариятини ҳам қониқтираётгани йўқ.

Фран Гарсия клубда 2027 йилнинг ярмигача, Менди эса жамоадошидан бир йил узоқ давом этадиган шартномага эга. Лекин “Реал” мутасаддилари ёзда уларнинг ўрнига чап қанотга бошқа ишрочи олиб келишга қарор қилган.

Испан матбуотининг ёзишича, кўп нарса “Реал” мавсумни қай даражада ва қандай совринлар билан якунланишига боғлиқ бўлади. Агар кутилган натижалар қўлга киритилмаса, жамоада жиддий ўзгаришлар рўй беради.