"Реал" Жаҳон чемпионига кўз олайтирмоқда

Мадриднинг “Реал” клуби Франция терма жамоаси аъзоси Н'Голо Кантени қишда ўз сафига қўшиб олиши мумкин.

Карло Анчелотти бошчилигидаги "қаймоқранглилар" бу мавсум жароҳатлар сабабли қишда бир неча трансфер амалга оширишни режалаштирмоқда. Италиялик мутахассиc сўнгги ўйинларда ҳимоядаги бўшлиқларни ярим ҳимоячилардан фойдаланиб тўлдириб келмоқда. Масалан, "Cевилья"га қарши тўқнашувда Эдер Милитао ва Ферлан Менди ўрнига Тчуамени ва Эдуардо Камавинга ҳаракат қилишди.

Бу ҳолат майдон марказидаги муаммоларни пайдо қилмоқда. Шу боис, Флорентино Перес ҳозирги кунда Саудиянинг “Ал-Иттиҳод” клубида тўп тепаётган Кантени харид қилиш ҳақида ўйламоқда. Бир неча манбаларга кўра, футболчи ҳам Европага қайтишга қарши эмас.

33 ёшли хавбекнинг Саудия клуби билан шартномаси 2026 йилгача мўлжалланган ва унинг Тransfermarkt порталидаги баҳоси 7 миллион евро деб баҳоланди.

Эслатиб ўтамиз, “Челси”нинг собиқ футболчиси бу мавсумда 13 та ўйинда иштирок этиб, 2 та гол ва 1 та голли узатмага муаллифлик қилган.