"Реал" кейинги босқичга чиқса, қанча ишлаб олиши маълум бўлди

"Реал Мадрид" ЕЧЛнинг плей-офф босқичида "Манчестер Сити" устидан зафар қучиб, чорак финалга йўл олса, 11 миллион евро ишлаб олади. 

Хабарингиз бор, "қироллик клуби" УЕФА Чемпионлар лигасининг плей-офф босқичида Хосеп Гвардиола бошчилигидаги "Манчестер Сити" билан тўқнаш келади. 

"АS" нашрининг маълумотига кўра, агарда "қаймоқранглилар" "шаҳарликлар" устидан муваффақиятга эришиб, кейинги босқичга чиқса, қўшимча 11 миллион евро ишлаб олади. 

Маълумот ўрнида, "Реал Мадрид" ва "Манчестер Сити" клублари ўртасидаги муҳим баҳс 11 февралдан 12 февралга ўтар кечаси соат 01:00 да бўлиб ўтади.