"Реал Мадрид" футболчиси жамоадошини "қутқарди"

Дани Себальос жамоадоши Браим Диасга уни "қутқаргани" учун миннатдорчилик билдирди.

Хабарингиз бор, "Реал" Чемпионлар Лигасининг 1/8 финалига ўтиш учун ўтказилган биринчи ўйинда "Манчестер Сити"ни мағлуб этди (3:2). Учрашувнинг 77-дақиқасида Клеман Тюрпен мадридликлар жарима майдонида Себальос ва Фил Фоден тўқнашувидан сўнг пенальти белгилади. 11 метрлик жарима зарбасини Эрлинг Ҳоланд голга айлантириб, ҳисобни 2:1 кўринишига келтирди. Шундан сўнг, Карло Анчелотти Себальосни захирага олди ва унинг ўрнига Лука Модрични майдонга туширди.

86-дақиқада эса бироз аввал захирадан майдонга тушган Браим Диас ҳисобни тенглаштирди.

"Мени икки ойлик танаффусдан қутқариб қолганинг учун раҳмат" - деб ёзди Себальос ўйиндан кейин Диаснинг Инстаграмдаги постига изоҳ қолдирган ҳолда.