"Реал Мадрид" халоскори жамоадан кетмоқда

Фабрицио Романонинг сўзларига кўра, "Эспаньол"га тегишли ҳужумчи Хоселу "Реал Мадрид" уни сотиб олишга тайёрлигига қарамай, "Аль-Гарафа"га ўтишга қарор қилган. "Лос-Бланкос" бош мураббийи Карло Анчелотти футболчини жамоада сақлаб қолмоқчи эди.

Клублар ўртасидаги музокаралар якуний босқичда. Футболчи билан ҳамкорлик тафсилотлари яқин орада келишиб олинади.

Аввалроқ, Хоселу Саудия Арабистонига кўчиб ўтиши хабар қилинганди.

Эслатиб ўтамиз, ўтган мавсумда испаниялик футболчи "Реал" сафида 49 та ўйин ўтказиб, 17 та гол урди ва 3 та голли узатмани амалга оширди. Хужумчи жамоа билан Испания Суперкубоги ва Чемпионати, шунингдек, Чемпионлар лигасида ғолиб чиқди.