"Реал Мадрид"нинг яна бир футболчиси узоқ муддатга сафдан чиқди

Дани Себальос ўнг тўпиғидан жароҳат олди.

Мадриднинг "Реал" клуби тиббий кўрик натижасида футболчи ўнг тўпиғининг учинчи даражали жарҳати аниқланганини маълум қилди.
Кеча 28 ёшли футболчи "Реал"нинг Ла Лига доирасидаги "Бетис"га (2:0) қарши ўйинида 65 дақиқа ҳаракат қилди.

Инсайдер Фабрицио Романонинг сўзларига кўра, ярим ҳимоячи 6-8 ҳафтани ўтказиб юборади.