“Real” mashhur darvozabondan voz kechdi

“Real” rahbariyati o‘tgan yili  jamoaning asosiy darvozaboni Tibo Kurtua og‘ir jarohat olib, uzoq muddatga safdan chiqqanidan keyin “Chelsi”dan Kepa Arrisabalagani ijaraga olgan edi.

Ispaniyalik darvozabon mavsum davomida ichki raqobatda Andrey Lunindan ustunligini ko‘rsata olmadi.

Madrid klubi mutasaddilari 29 yoshli golkiper kelajagi bo‘yicha bir qarorga keldi. Madridliklar uni to‘liq transfer qilish huquqidan foydalanmaydi.

Endi Kepa Arrisabalaga mavsum yakunlanishi bilan “Chelsi”ga qaytadi. “Aristokratlar” ham unga asosiy tarkibdan joy bermaydi va qishda sotib yuborishni rejalashtirmoqda.