“Реал” машҳур юлдуз трансферидан воз кечди

Мадриднинг “Реал” клуби Англиянинг амалдаги чемпиони  “Ливерпуль”нинг марказий ҳимоячиси Иброҳим Конатени олиш фикридан қайтди.

Бунга франциялик футболчининг ўйинида пасайиш бошлангани ва унинг спорт формаси суперклуб талаби доирасида эмаслиги сабаб бўлди.

Goal ҳамда The Athletic каби нашрларининг хабар беришича, мадридликлар ўз қарорини мерсисайдликларга аллақачон маълум қилган.

“Реал” тутган йўл Конатенинг келажагига бевосита таъсир қилади. Чунки 26 ёшли ҳимоячи Мадрид клубига йўл олиш илинжида “Ливерпуль” билан якунланиб бораётган шартномани узайтирмай келаётган эди.

Энди “Ливерпуль” вакиллари тажрибали ҳимоячига қайтадан шартнома таклиф қилиш имконига эга бўлди.

Жорий мавсумда Конате барча турнирларда 18 та ўйинда иштирок этиб, 1 та гол урган. Transfermarkt порталидаги маълумотларга кўра, футболчининг бозор қиймати 55 миллион еврори ташкил қилмоқда.