“Реал” Мбаппега: Ё ҳозир, ёки ҳеч қачон!

“Реал” раҳбарияти ПСЖ ҳужумчиси Килиан Мбаппе бўйича якуний қарорга келди. Бу ҳақда қишки трансферлар вақтида Relevo нашри хабар тарқатди.

“Қироллик клуби” январь ойида Килиан Мбаппе билан дастлабки шартномани имзолаб қўймоқчи. Унда франциялик футболчи мавсум якунлангач. Мадридга кўчиб ўтиши кўрсатилган.

Манбанинг таъкидлашича, мадридликлар агар Килин Мбаппе ҳақиқатан “Реал”да ўйнашни истаса,  тезроқ ҳамкорлик  ҳужжатларини исзолаши керак, деб ҳисобламоқда.

Агар Мбаппе “Реал”га кўчиб ўтишни пайсалга соладиган бўлса, клуб мутасаддилари 24 ёшли футболчини трансфер қилиш фикридан тўлиқ воз кечади.

Мбаппенинг ўзи ПСЖ билан янги шартнома имзолаш таклифини қабул қилгани йўқ. Англиянинг бир неча клублар уни ўз сафига қўшиб олиш учун курашга тайёрлиги айтилмоқда.

Ўтган йили ёзда Мбаппе “Реал” раҳбариятини трансферга ишонтириб, амалда ПСЖда қолганидан кейин “Қироллик клуби” футболчига ишонмай қўйган ва масалани расмий ҳужжатларни имзолатиш орқали ҳал қилмоқчи.