“Реал” Мбаппени олганидан қаттиқ пушаймон

BBC ҳамда The New York Times каби нуфузли нашрлар журналисти Ромен Молина “Реал” ва Килиан Мбаппе ҳамкорлиги борасида кутилмаган маълумотни чиқарди.

Манбанинг таъкидлашича, “Қироллик клуби” ўтган ёз Килиан Мбаппени ўз таркибига қўшиб олганидан пушаймон бўлмоқда.

- “Реал” Мбаппени таклиф қилганидан қаттиқ пушаймон. Мен бунга аминман. Менга буни махфий тарзда маълум қилишди.

Флорентино Перес ҳар доим машҳур ўйинчиларни, юлдузларни яхши кўрган. Шу боис, Мбаппе билан ҳам мустаҳкам алоқа боғлаган. 

Бироқ клубда Мбаппенинг трансферидан норозилар кўп. Биринчидан, франциялик форварднинг ўйини кутилган даражада чиқмаяпти. Иккинчидан, ички муҳит ҳам аввалгидек соф эмас. Балки, бу Мбаппенинг айби билан бўлмаётгандир.

Мен “Реал” бу трансфер билан катта хатога йўл қўйди, деб ўйлайман. Чунки Килиан мавсумолди тайёргарлигини ўтамади. Жуд Беллингемдан фарқли равишда у жамоага келиши билан расмий учрашувларда ўйнай бошлади, - деди Ромен Молина.