“Реал” Моуриньодан юз ўгирди

Жорий мавсум бошқарув соҳасида муаммога дуч келган “Реал” раҳбарияти жамоанинг юлдуз футболчиларига таъсир ўтказа оладиган хорижлик мураббий қидираётгани ҳақида маълумотлар тарқатилган эди.

Номзодлар орасида айни пайтда Португалиянинг “Бенфика” жамоасида ишлаётган Жозе Моуриньо вариантини ҳам муҳокама қилинди. Сўнгги маълумотларга қараганда, “Қироллик клуби” Жозе Моуриньюни яна бош мураббий сифатида тайинлаш вариантидан воз кечди.

Маълум қилинишича, клуб раҳбарияти португалиялик мутахассис ўзининг энг яхши даврини ортда қолдирган, деб ҳисобламоқда.

Шу сабаб “Реал” сўнгги йилларда юқори натижаларга эришган ва замонавий футбол талабларига мос келадиган мураббийни афзал кўрмоқда.

Эслатиб ўтамиз, Жозе Моуриньо 2010-2013 йиллар давомида “Реал”ни бошқарган ва шу даврда Испания чемпионлиги, мамлакат кубоги ва Суперкубогини қўлга киритган.