“Реал” Моуриньони бош мураббийликка номзодлар қаторига қўшди

"Реал"да мураббийлик лавозимида ўзгаришлар бўлиши мумкинлиги ҳақидаги гап-сўзлар тўхтамаяпти. Daily Mirror хабарига кўра, Мадрид клуби аллақачон ёзга номзодлар рўйхатини шакллантирмоқда ва улар орасида Жозе Моуриньо номи ҳам пайдо бўлди.

Манбага кўра, "Реал" раҳбарияти совринлар учун курашда давом этаётганига қарамай, жамоанинг ҳозирги йўлидан тўлиқ қониқиш ҳосил қилмаяпти. Чемпионатда "Барселона"дан минимал фарқ бор - атиги бир очко, аммо Мадрид узоқ муддатли истиқболни баҳолашни давом эттирмоқда.

Манбанинг таъкидлашича, Моуриньо клуб раҳбарияти даражасида муҳокама қилинаётган вариантлардан бири холос. Якуний қарор йўқ, потенциал мураббийлар рўйхати эса анча кенг, аммо айнан португалиялик номзод аллақачон ОАВда резонанс келтириб чиқарган.

Моуриньонинг "Бернабеу"га қайтиши ҳақиқий сенсация бўларди. У сўнгги бор Чемпионлар лигасида "Реал"га қарши ўйинда Анатолий Трубиннинг голи эвазига 4:2 ҳисобидаги драматик ғалабани қўлга киритганди.