“Реал” муддатидан олдин “Барса”га таслим бўлди

Кетма-кет икки мағлубиятдан кейин “Реал” футболчилари Ла Лига чемпионлик пойгасида “Барселона”ни ортда қолдириш мумкинлигига ишончини йўқотди.

Айниқса, мадридликлар “Сантьяго Бернабеу”да “Хетафега” ютқазиб қўйганидан кейин клуб ичидаги муҳитда муаммолар борлиги ҳақида янги муҳокамалар авж олмоқда.

Cadena SER нашри маълумотига кўра, 26 турдан кейин каталонияликлардан тўрт очкога ортда қолиб кетган “Реал” футболчилари жуда пессимистик кайфиятда ва энди Ла Лигани юта олишларига ишонмаяпти.

Футболчилар мағлубиятдан кейин ўзларини “мутлақо ожиз” деб ҳис қилишмоқда.

Аввал хабар қилинганидек, жамоада бош мураббий Альваро Арбелоага нисбатан футболчиларнинг ишончи тобора йўқолиб бормоқда. Арбелоа жамоада “вақтинчалик мураббий” сифатида қабул қилинаётгани ва футболчиларни рағбатлантириши қийинлиги айтилмоқда.