“Реал” мундиалдан кейин шов-шувли трансферни амалга оширади

Жаҳон чемпионатида Франция миллий терма жамоаси шарафини ҳимоя қилаётган  Мюнхеннинг «Бавария» клуби ҳужумкор ярим ҳимоячиси Майкл Олисе ҳамон «Реал Мадрид» трансфер рўйхатидан жой олган.

Бу ҳақда инсайдер Хосе Феликс Диас ижтимоий тармоқлар орқали хабар берди.

Журналист маълумотига кўра, мадридликлар АҚШ, Канада ва Мексика мезбонлигида ўтаётган 2026 йилги жаҳон чемпионати якунланганидан сўнг франциялик вингерни сотиб олишга ҳаракат қилади.

Transfermarkt экспертлари Олисенинг бозор қийматини 150 миллион евро, деб баҳолаган. Испан грандининг 150 ва 180 миллион евролик таклифлари мюнхенликларда қизиқиш уйғотмади.

Айрим манбаларга кўра, Флорентино Перес сайлов олдидан берган ваъдасини бажариш учун бу трансферга анча катта – 220 миллион еврогача бўлган сумма сарфлаши мумкин.

Олисенинг «Бавария» билан амалдаги меҳнат шартномаси 2029 йил июнь ойи охиригача амал қилади.