"Реал" мухлислари ҳакамлардан норози бўлди

Ла Лиганинг 3-туридан ўрин олган "Реал" – "Мальорка" учрашувида мадридликлар 2:1 ҳисобида ғалаба қозонди. Бироқ, "Сантьяго Бернабеу"даги мухлислар ҳакамлардан қаттиқ норози бўлишди.

Учрашув давомида ҳакамлар "Реал" футболчилари урган учта голни бекор қилишди. Килиан Мбаппенинг икки голи офсайд сабабли, Арда Гюлернинг голи эса қўл билан ўйнагани учун ҳисобга олинмади.

Биринчи гол бекор қилинганида мухлислар "Федерацияда коррупция!" деб бақиришди. Гюлернинг урган голи бекор қилингач эса трибуналарда "Негрейра, Негрейра!" деган ҳайқириқлар янгради.

Учрашувда бош ҳакам сифатида Хосе Мария Санчес Мартинес ишлади, ВАРда эса Хуан Сантана фаолият юритди.