“Реал” нархи бирдан ошиб кетган футболчини ортга қайтарадиган бўлди

  • 17 февраль, 11:43
  • Zohir Toshxo’jayev
  • 0
  • Футбол
CHERY AUTO

“Реал” раҳбарияти клуб тизимида тарбияланган бироқ асосий таркибга кира олмаган ярим ҳимоячи Николас Пасни Италиянинг “Комо” жамоасига 6 миллион еврога сотиб юборган эди.

Tecno

Marca нашрининг ёзишича, “Қироллик клуби” мутасаддилари энди 20 ёшли аргентиналик футболчини ортга қайтариш ҳақида бош қотирмоқда.

Гап шундаки, А Серияда Никонинг ўйини очилиб кетди. “Комо” сафида мунтазам майдонга тушиб, 23 та учрашувда қатнашган футболчи рақиблар дарвозасига олтита тўп киритиб, жамоадошларига тўртта голли пас узатди.

Мадридликлар футболчи бўйича “Комо” билан музокара олиб борган паллада шартномага уни 9 миллион еврога қайта сотиб олиш бўйича банд киритган. Энди “Реал”ни мана шу ҳуқуқдан фойдаланиб, Пасни Мадридга қайтармоқчи.

Нико Пас айни пайтда Transfermarkt экспертлари томонидан 20 миллион еврога баҳоланмоқда ва унинг нархи кўтарилишда давом этади.

Фикрлар

Фикр қолдириш учун авторизациядан ўтинг!