“Реал” нега Мбаппе трансферини эълон қилмаяпти?

ПСЖ ҳужумчиси Килиан Мбаппе клуб билан расман хайрлашганига қарамай, унинг қайси жамоага ўтгани эълон қилингани йўқ.

Ҳамма 25 ёшли ҳужумчининг “Реал”га ўтишини кутмоқда. Мадрид клуби раҳбари Флорентино Перес бош мураббий Карло Анчелоттига Мбаппени кутиб олишга тайёргарлик кўришни айтган.

Журналист Хосе Фликс Диаснинг таъкидлашича, “Қироллик клуби” ПСЖнинг рухсатисиз Мбаппенинг трансферини расман эълон қила олмас экан.

“Реал” мутасаддилари тез орада Европа чемпионати бошланишини инобатга олиб, ушбу турниргача аниқроғи, 1 июнь куни бўладиган Европа Чемпионлар лигаси финалидан кейиноқ Килиан Мбаппени Мадридга кўчиб ўтганини эълон қилишни режалаштирмоқда.

Бироқ бунинг учун ПСЖ розилиги талаб этилади. Чунки шартномага кўра, Мбаппе 30 июнь кунигача расман парижликлар ўйинчиси ҳисобланади.