"Реал" ўзининг собиқ ўйинчисини қайтаради

Леверкузеннинг «Байер» жамоасида тўп сурётган қанот ҳимоячиси Мигель Гутьеррес Европанинг бир қатор етакчи клублар эътиборини ўзига қаратди. Бу ҳақда fussball-news.de нашри хабар бермоқда.

Манба маълумотига кўра, испаниялик футболчига Мадриднинг «Реал» клуби, шунингдек «Милан», «Манчестер Юнайтед» ва Туриннинг «Ювентус» жамоалари қизиқиш билдирмоқда.

25 ёшли ҳимоячи ўтган ёзда «Наполи» таркибидан «Байер»га ўтган эди. Кўчиш учун тўланган маблағ 26 миллион еврони ташкил этган. Гутьеррес «фармацевтлар» билан беш йиллик шартнома имзолаган.

Жорий мавсум Бундеслигада Мигель тўртта ўйинда майдонга тушиб, бир гол урди ва учта голли узатма муаллифи бўлди.