"Реал" ўз юлдузини Вирцга алмаштирмоқчи

Мадриднинг "Реал" клуби "Ливерпуль" ярим ҳимоячиси Флориан Вирцни олиш имкониятини кўриб чиқмоқда. 22 ёшли футболчи ҳозиргача Премьер-лигада ўзини кўрсата олмади ва катта умидларга жавоб бермади.

Вирцга бўлган қизиқиш ҳануз "қироллик клуби"да кучли, уларни Хаби Алонсо бошқармоқда. Алонсо Флориан билан "Байер"да бирга ишлаган ва уни яхши билади.

"Defensa Central"нинг хабар беришича, "Реал" "Ливерпуль"га немис футболчисини Родриго билан алмашиш таклифини бериши мумкин. Бразилиялик асосий таркибга кира олмаётгани учун "қаймоқранглилар" уни 2026 йилда сотишга тайёр.

Transfermarkt портали Вирцнинг нархини 130 миллион евро, Родригоникини эса 80 миллион евро қилиб баҳолаган.