"Real" prezidenti Mbappe qachon klubga kelishini ma’lum qildi

"Real" klubi prezidenti Florentino Peres La Liga 7-turidan o‘rin olgan "Vilyarreal"ga qarshi durangdan keyin muxlislarga va’da berdi.

"Qirollik klubi" rahbari o‘tirgan mashina atrofida bir qancha tomoshabinlar to‘plandi, ulardan biri Peresga savol berdi: "Prezident, Mbappe bilan shartnoma imzolang!".

"Kelasi yilga",-deb javob berdi Florentino.

Avvalroq, madridliklar joriy yozda PSJ bilan muzokaralarga kirishgan, biroq Parij klubi barcha takliflarni rad etgani haqida ma’lumotlar tarqalgandi. Kilianning amaldagi shartnomasi mavsum so‘ngida o‘z yakuniga etadi.

Transfer summasi 160 million evroga baholanayotgan futbolchi parijliklar tarkibiga 2017 yilda kelib qo‘shilgan va bu vaqt oralig‘ida 180 uchrashuvda maydonga tushib, 136 gol va 65 assistni o‘z hisobiga yozdirib qo‘ygan.