
"Real" rahbariyati Anchelottining istagini bajarmadi
"Real Madrid" bosh murabbiyi Karlo Anchelottining tarkibni kuchaytirish borasidagi iltimosi bajarilmadi. Bu haqda "Marca" xabar bermoqda.
Gap shundaki, murabbiy himoyaning o‘ng qanotini kuchaytirish kerakligini ta’kidlagan. Madrid klubi rahbariyati harakat qildi, biroq, muzokaralar ijobiy natija bermadi.
"Qaymoqranglilar"ning "Liverpul"dan Trent Aleksandr-Arnoldni o‘z safiga qo‘shish borasidagi ikki urinishi ham samara bermadi. Boshqa nomzodlar esa ko‘rib chiqilmadi. Anchelotti "Real" qishki transfer oynasining so‘nggi kunlarida hech kimga shartnoma taklif qilinmasligini allaqachon biladi.
Shu tariqa, "Real" mavsumni jamoaning yagona o‘ng qanot himoyachisi - Lukas Vaskes bilan davom ettiradi. Zarurat tug‘ilganda, bu pozitsiyada Federiko Valverde va Raul Asensio ham o‘ynashi mumkin.
Fikrlar