"Реал" Родри трансферига қизиқмайди

Мадриднинг "Реал" клуби Родрини трансфер қилиш масаласида ўз позициясини ўзгартиргани йўқ.

"As" нашри маълумотига кўра, "қаймоқранглилар" ярим ҳимоячини жамоага олиб келишни режалаштирмаяпти ва у ҳали ҳам клуб режаларига кирмайди.

Аввалроқ Родрининг ўзи "Реал"га ўтиш эҳтимолини рад этмаган эди: «Менинг “Атлетико”да ўйнаганим “Реал”да тўп суришимга тўсқинлик қилмайди. Дунёдаги энг яхши клублардан воз кечиб бўлмайди", — деган эди испаниялик.

Бироқ мадридликлар ярим ҳимояни кучайтириш учун бошқа вариантларни кўриб чиқмоқда.

Маълумот учун, 29 ёшли футболчининг "Манчестер Сити" билан шартномаси 2027 йилгача амал қилади.