"Реал" Родриго борасида бир қарорга келди!

Родриго ёзги трансфер ойнасида "Реал"ни тарк этиши мумкин. Бу ҳақда "Relevo" хабар бермоқда.

Манбага кўра, "қироллик клуби" раҳбарияти бразилиялик билан хайрлашишга тайёр ва унга минимал нарх белгилаган. "Қаймоқранглилар" жамоаси футболчини сотишдан камида 100 миллион евро ишлаб олмоқчи. Родригога Лондоннинг "Арсенал" ва "Манчестер Сити" клублари қизиқиш билдирмоқда.

Маълумот учун, жорий мавсумда 24 ёшли ҳужумчи мадридликлар сафида 50 та ўйин ўтказиб, 13 та гол урди ва 10 та голли узатмани амалга оширди. Родригонинг "Реал" билан шартномаси 2028 йилнинг ёзига қадар тузилган.