“Реал” шов-шувли трансферга қўл урмоқда

“Реал” мутасаддилари яна бир катта трансфер бўйича иш бошлашга тайёргарлик кўрмоқда. Мадридликлар таркибни кучайтириш мақсадида “Манчестер Юнайтед” сардори ва етакчиси Бруни Фернандешни нишонга олди.

Sunday Express нашрининг маълум қилишича, “Қироллик клуби” сенсацион трансфер учун манчестерликларга 100 миллион евро миқдорида бадал пули таклиф қилишни режалаштиряпти.

Гарчи Рубен Аморим португалиялик плеймейкер унга кераклигини таъкидлаётган бўлса-да, таклиф қилинаётган сумманинг катталиги ва ўйинчининг хоҳиши вазиятни ўзгартириб юбориши мумкин.

30 ёшли Бруну Фернандеш ҳам ҳар қандай футболчи каби совринларга эга бўлишни истайди. “Манчестер Юнайтед” ҳали муаммоларида қутила олгани йўқ. “Реал”га кўчиб ўтиш орқали ёши ўтиб бораётган ўйинчи катта ютуқларга эга чиқиши мумкин.