"Реал" собиқ футболчиси Винисиуснинг ҳаракатларини кескин танқид қилди

Хорхе Вальдано Винисиуснинг захирага олинганига қилган реакциясини танқид қилди. 

"Реал"нинг бразилиялик футболчиси Ла Лиганинг 5-турида "Эспаньол"га қарши беллашувда алмаштирилишини билгач, майдонга сув идишини улоқтириб, қўлларини намойишкорона кўтарди. 

"Винисиус аввалгидек эмас, мураббий эса ҳозир бошқа. У аввал ўзини яхшилаши керак. Кейин мураббийни ишонтириши лозим. Омма олдида кўрсатилган бундай хатти-ҳаракат носоғлом. 

"Реал" Винисиусга қарши бутун дунё курашаётган бир пайтда уни қўллаб-қувватлаган. Бироқ Вини дунёдан эмас, мураббийдан ғазабланди. "Қироллик клуби" раҳбарияти эса ҳар доим клуб манфаатларини футболчидан устун қўйган. 

Винисиус бироз эҳтиёткор бўлиши керак. Бу майдонга тушаётган футболчи учун ҳам ҳурматсизлик саналади", - деди Вальдано.