«Реал Сосьедад» мураббийи Фортнинг дебютини баҳолади

«Реал Сосьедад» бош мураббийи Пеллегрино Матараццо жамоага яқинда қўшилган, 20 ёшли ҳимоячи Эктор Фортнинг дебюти ҳақида фикр билдирди. Ёш футболчи сан-себастьянликлар сафида илк бор Испания чемпионати доирасида «Эльче»га қарши ўйинда майдонга тушди. Учрашув 3:2 ҳисоби билан «Реал Сосьедад» фойдасига якунланди, Форт эса ўйин охирида захирадан майдонга чиқди.

Матараццо ёш ҳимоячининг илк дақиқаларини ижобий баҳолади.

«У 15 дақиқа ўйнади ва бу вақтни яхши ўтказди, деб ўйлайман. У майдонга тушганидан хурсанд, жамоа ва ўйин муҳитини ҳис қилди. Тўп билан ишлашини, тезлигини ва жисмоний кучини алоҳида таъкидлаш мумкин. Албатта, унда камчиликлар ҳам бор, лекин дебюти омадли чиқди, деб ҳисоблайман», — дея Матараццонинг сўзларини келтиради Diario AS.

Эктор Форт ўтган ёзнинг охирида «Барселона»дан «Реал Сосьедад» сафига қўшилган. Сан-себастьян клуби ёш испаниялик ҳимоячи учун саккиз миллион евро тўлади.

Ҳозирги пайтда «Реал Сосьедад» Ла Лиганинг турнир жадвалида тўққизинчи ўринни эгаллаб турибди. Жамоа беш турдан сўнг етти очко жамғарган.