“Реал” учта катта трансфердан воз кечди

“Реал” йил бошида ҳимоя чизиғи ва дарвозабон масаласида жиддий муаммоларга тўқнаш келганди. Шунга қарамай, Карло Анчелотти жамоани чемпионликка эришишини таъминлай олди.

Бош мураббий ҳимояга янги ўйинчиларни олишни сўраган. Бироқ клуб раҳбарияти катта харажатларга тайёр эмас.

Хусусан, мадридликлар “Бавария” ҳимоячиси Альфонсо Дэвисни олиш фикридан қайтда. Мюнхенликлар сўраётган 70 миллион евро уларни қониқтирмади.

Шунингдек, ҳар бири 100 миллион еврога баҳоланаётган “Лилль” вакили Лени Йоро ва “Эвертон” ўйинчиси Жеррад Брентуэйт вариантларидан ҳам воз кечилди.

“Қироллик клуби” Ферлан Менди билан шартномани узайтирмоқчи. Бундан ташқари, мадридликлар “Жирона”дан ўз тарбияланувчилари Мигель Гутьерресни қайта сотиб олиш орқали ҳимоядаги бўш нуқталарни тўлдиришни режалаштирмоқда.