"Реал" ва "Барселона" Европанинг энг яхши футболчиси учун курашади

"Ливерпуль" клуби ҳимоячиси Виржил ван Дейк Ла Лига грандларининг эътибор марказида бўлиб турибди.

AS нашри тарқатган хабарга қараганда "Барселона" ва "Реал" 28 ёшли голландиялик футболчини келаси ёз сотиб олишга уруниб кўради. Ҳозирча ван Дейкнинг трансфери уларга қанчага тушиши номаълум, аммо “қироллик клуби” ҳам, каталонияликлар ҳам маҳоратли ҳимоячи учун пулни аямоқчи эмас.

Эслатиб ўтамиз, ван Дейк яқинда УЕФА томонидан Европанинг ўтган мавсумдаги энг яхши футболчиси деб топилган эди. Унинг “Ливерпуль” билан амалдаги шартномаси 2024 йилга қадар имзоланган. Шунга қарамай мерсисайдликлар ҳам у билан келишувни узайтириш пайида юришипти.