“Реал” ва “Ливерпуль” юлдузларни алмаштиради

Англиянинг амалдаги чемпиони “Ливерпуль” Испания гранди “Реал” билан футболчилар алмашинуви бўйича битим таклиф қилиш устида иш олиб бормоқда.

Мерсисайд мутасаддилари режасига кўра, “Ливерпуль” ярим ҳимоячиси Алексис Мак Аллистер “Қироллик клуби” ўйинчиси Орельен Тчуаменига алмаштирилиши мумкин.

Бу ҳақда TEAMtalk хабар бермоқда.

Манбага кўра, мадридликлар Мак Аллистерни жамоа ярим ҳимоясини кучайтириш учун мос номзод сифатида кўрмоқда. Гарчи футболчининг жорий мавсумдаги ўйини барқарор бўлмаса ҳам, “Реал” аргентиналик юлдузни ўз сафига қўшиб олишга тайёр.

Тчуамени эса, узоқ вақтдан бери “Ливерпуль”нинг трансфер мақсадларидан бири ҳисобланади, аммо футболчининг ўзи “Реал”ни тарк этишни истамаяпти. Шунингдек, алмашинув амалга ошиши учун “Ливерпуль” қўшимча маблағ тўлашига тўғри келиши мумкинлиги айтимоқда.

Иккала футболчининг ҳам клублари билан амалдаги шартномалари 2028 йилнинг 30 июнгача амал қилади.