"Реал" Винисиус бўйича якуний қарорга келди

«Реал» клуби Винисиус билан шартномани узайтириш бўйича ишларни фаол давом эттирмоқда. Мадрид жамоаси раҳбарияти бразилиялик ҳужумчини жамоада сақлаб қолишни асосий вазифалардан бири деб билиб, унга таклиф этилаётган молиявий шартларни янада яхшилади.

Defensa Central нашри хабарига кўра, «Қироллик клуби» Винисиусга бир мавсум учун 25 миллион евро маош таклиф қилган. Шу тариқа, «Реал» аввалги таклифини яна 5 миллион еврога оширди — аввалроқ ҳужумчига йилига 20 миллион евро атрофида маош таклиф қилинган эди.

Винисиус ҳозирча мадридликлар таркибида энг муҳим фигуралардан бири бўлиб қолмоқда. Ўтган мавсумда у барча мусобақалар доирасида 53 та ўйинда майдонга тушиб, 22 та гол урди ва 14 та голли узатма муаллифига айланди.

Винисиус «Реал» сафида 2018 йил июль ойидан бери тўп суриб келмоқда. Ҳозирги пайтда эса у Бразилия терма жамоаси таркибида Шимолий Америкада ўтаётган жаҳон чемпионатида иштирок этмоқда.