“Real” Xolandni “dahshatli” summaga oladi, agar...

“Manchester Siti” to‘purari Erling Xoland kutilmaganda klubni tark etishiga to‘g‘ri kelishi mumkin. Agar klub moliyaviy qoida buzarliklar tufayli sanktsiyalarga tushsa, “shaharliklar” qimmatbaho yulduzini sotib yuboradi.

Defensa Central nashrining ma’lum qilishicha, 24 yoshli yulduzni har qanday klub ham o‘z safiga qo‘shib olishga qodir emas. Asosiy xaridor sifatida “Real” tilga olinmoqda.

“Manchester Siti” rahbariyati klubga o‘ta qattiq moliyaviy cheklovlar qo‘yilsa va jamoa quyi ligaga tushirib yuborilsagina yulduzlari bilan xayrlashishga majbur bo‘ladi.

Manbaga ko‘ra, agar shunday vaziyat yuzaga keladigan bo‘lsa, “Real” prezidenti Florentino Peres “shaharliklar”ga Erling Xoland uchun 200 million evro to‘lashga tayyorligini ma’lum qilgan. Chunki “Qirollik klubi” xo‘jayini anchadan beri norvegiyalik to‘purarga ko‘z tikmoqda va klubda katta transferni amalga oshirish uchun etarli darajada mablag‘ bor.