“Реал” Холандни қандай олишни билади

“Реал” ўтган ёзда Килиан Мбаппени қўлга кирита олмаганидан кейин асосий эътиборини “Манчестер Сити”да тўпурарлик қобилиятини намойиш қилаётган Эрлинг Холанд трансферига қаратди.

Испаниянинг AS нашри, “Қироллик клуби” норвегиялик 22 ёшли ҳужумчини Мадридга олиб келиш йўлини топган.

Манбанинг таъкидлашича, клуб раҳбарияти Холандни “Реал” шарафини ҳимоя қилиш “Манчестер Сити”да ўйнашдан кўра обрўлироқ эканига ишонтиришни ва шу орқали ҳужумчини Мадридга кўчиб ўтишга кўндирмоқчи.

Яқинда Эрлинг Холанднинг отаси ўғли Англияда узоқ қолмаслиги, унинг режаси кучли бешлик лигаларининг ҳар бирида ўйнаш эканини маълум қилганди.