“Реал” янги ўйинчи топди

“Реал” жорий мавсум ҳимоя чизиғида кузатилган муаммоларни бартараф этиш учун ёзда бу позицияга янги ижрочиларни олишни мўлжалламоқда.

Daily Mail нашрининг ёзишича, “Қироллик клуби” мавсум якунланиши билан “Эвертон” ҳимоячиси Жеррэд Брэнтуэйтни ўз сафига қўшиб олмоқчи.

Манбага кўра, мадридликлар бир неча гранд клуб нишонида турган 22 ёшли футболчи учун 75 миллион фунт миқдорида бадал пули таклиф қилишни мўлжаллаяпти.

Жеррэд “Карлайл” жамоаси тарбияланувчиси ҳисобланади. “Эвертон” уни 2020 йили бир миллион еврога трансфер қилган. Истеъдодли марказий ҳимоячи фаолияти давомида ижара асосида “Блэкберн” ва “ПСВ Эйндховен” клубларида ҳам ўйнаган.

Transfermarkt портали “Эвертон” билан 2027 йилнинг ёзигача давом этадиган шартномага эга футболчини 42 миллион еврога баҳоламоқда.