"Реал" ярим ҳимоясида катта йўқотиш

"Реал" мавсум давомида жароҳатлар билан курашишни давом эттирмоқда. Пайшанба куни клуб ярим ҳимоячи Дани Себальоснинг ташхисини эълон қилди, бироқ 28 ёшли футболчининг тикланиш муддати ҳақида ҳеч нарса маълум қилинмади.

"Deportes Cope" хабарига кўра, Себальос тўлиқ тикланиши учун тахминан икки ой керак бўлади. Катта эҳтимол билан, у май ойида — мавсумнинг ҳал қилувчи босқичида майдонга қайтади.

Жорий мавсумда Себальос "Реал" таркибида 30 та расмий учрашувда майдонга тушиб, иккита голли узатмага муаллифлик қилди.

Ҳозирда "Реал" Ла Лига турнир жадвалида иккинчи ўринда бормоқда ва қўшимча кўрсаткичлар бўйича "Барселона"дан ортда қолмоқда.